Joomla Sport Template

Våren kjem no med stormskritt, om ikkje til Bodø og kalde Nord, så i alle fall til resten av landet. I det høvet tykkjer eg det er greit å presentere fire vårdrinkar i dagens utgåve av Johnsens drinktips, eksklusivt for «Absolutt helg».


VODKA/CRANBERRY:

4 cl vodka
Tranebærjuice
Limebåt

Dette er ein forfriskande drink, som eg sjølv har avkjølt meg med på varme dagar. Eg føretrekk å bruke eit whiskeyglas til denne drinken, kor eg fyller i ein del is fulgt av 4 cl vodka, og så toppar med tranebærjuice. Pynt gjerne med ein limebåt.


VIKINGFJORD BLUEBERRY CRUSH:

3 cl Vikingfjord Blåbærvodka
2 cl sitronsaft
1 ss sukker
½ dl blåbær (frosne)
Mynte
Knust is

Her er dagens næringsdrink, med ferske blåbær, rik på anitoksidantar. Her tar du vodka, sitronsaft og sukker, og shakar det med is. Tøm dette så i eit whiskeyglas med knust is, og garnér med blåbær og mynteblader. Velbekomme!


SUR GRØNN:

2 cl vodka
2 cl Pisang Ambon
Sour mix
Sprite
Limebåt

Dette er tydeligvis ein klassiker i Nord-Noreg, men eg hadde aldri høyrt om den før eg kom til Bodø, så kanskje folk i sørlegare trakter kan ha nytte av oppskrifta på denne drinken. Her startar du med eit longdrinkglas fullt med is, og tømmer i 2 cl vodka og 2 cl Pisang Ambon. Deretter brukar du halvt om halvt med sour mix og sprite og røyrer rundt med eit sugerør. Pynt med ein limebåt.


SNAKE IN THE GRASS:

2 cl gin
2 cl cointreau
2 cl tørr vermut
2 cl sitronsaft
Limeskal

Denne vekas cocktail. Her shakar du 2 cl gin, 2 cl cointreau, 2 cl tørr vermut og 2 cl rein sitronsaft med is i ein shaker. Dette tømmast over i eit cocktailglas og pyntast gjerne med limeskal.